Vinnustofa 2 (Flokkunaræfing)

Vinnustofa 2 – Flokkunaræfing

Haldin var vinnustofa með starfsmönnum Listasafns Reykjavíkur á Kjarvalsstöðum þann 2. mars 2021. Framkvæmd var Flokkunaræfing þar sem síðum á vef listasafnsins var flokkað í nýtt veftré.

Hagsmunaaðilar sem tóku þátt í vinnustofu voru fimm talsins:

Friðrik — Lærði vefmiðlun og var fenginn til að koma inn og er að skoða vefsíðuna og fara yfir hana
Hildur Inga — Kynningar- og markaðsmál, stafræn miðlun
Marteinn — Þjónustustjóri (er með í að setja upp vefverslun)
Baldur — Sérfræðingur í kynningar- og markaðsdeild. Baldur er að setja upp vefverslun (shopify)
Áslaug — Kynningar- og markaðsstjóri

Kynning á flokkunaræfingu

Unnur og Sandra kynna verkefni dagsins. Starfsmenn voru spurðir hvort þeir hafi áður gert flokkunaræfingu. Einn eða tveir höfðu gert slíka æfingu en aðrir ekki. 

Flokkunaræfingin er útskýrð í stuttu máli og svo var starfsfólki skipt í tvo hópa. Búið var að skrá helstu síður á post it miða og þátttakendur voru  beðnir um að raða miðunum upp í veftré.

Þeir fá upplýsingar um að þeir megi henda miðum (hafa ekki með í veftré) og einnig megi búa til nýja miða. 

Pétur sá um að taka ljósmyndir af æfingunni, Kristinn flakkaði á milli hópa til að svara spurningum og Sigurður ritaði fundargerð. 

Eftir rúmlega 100 mínútur voru báðir hóparnir búnir að flokka og við tóku umræður um flokkunina.

Helstu niðurstöður:

• Fækka má flokkum í leiðarkerfi síðunnar
• Flokkurinn miðlun er ekki lýsandi
• Hóparnir voru sammála því að halda flipunum Heimsókn, Sýningar, Safneign og Safnverslun(verslun)
• Upplýsingar um söfn ætti að vera undir flipanum Heimsókn
• Undirsíðurnar Mitt safn og Salir eru ekki nógu lýsandi heiti
• Fækka má undirsíðum sem flokkast undir Um safnið
• Flokka betur undirsíður. Ekki allir sammála um hvað eigi heima hvar

Hér má sjá hvernig hóparnir vildu sjá veftréð:

Myndir af flokkunaræfingu